अमेरिकाको क्यालिफोर्नियामा गोलीबारीमा परि कम्तीमा ६ जनाको मृत्यु

अमेरिकी राज्य क्यालिफोर्नियाको साक्रामेन्तो सहरको केन्द्रमा आइतबार भएको गोलीबारीमा कम्तीमा ६ जनाको मृत्यु भएको छ । साथै उक्त गोलाबारीमा १२ जना घाइते भएका छन् ।

आइतबार रेस्टुरेन्ट र बारहरूले भरिएको क्षेत्रमा द्रुत बन्दुकको आवाज आएपछि मानिसहरू सडकबाट भागा भाग भएको सामाजिक सञ्जालमा पोष्ट गरिएको छ । गोलीबारी गोल्डेन वन सेन्टर जाने क्षेत्रमा भएको थियो भने गोली प्रहारका आशंकामा अहिलेसम्म कोही पनि पक्राउ परेका छैनन् ।

प्रहरी प्रमुख क्याथरिन लेस्टरले भने “यो वास्तवमै दुखद अवस्था हो, यो घटनाले बन्दुक हिंसा र अमेरिकी समाजमा घातक हतियारको प्रचलनको बारेमा चलिरहेको बहसलाई बढावा दिने निश्चित छ।” त्यहाका अधिकारीहरुका अनुसार अन्वेषकहरू घटनास्थलमा आइपुगीसकेका छन्।

साथै उक्त घटनामा सामेल जनतालाई  जिम्मेवार व्यक्तिहरूलाई पहिचान गर्न मद्दत गर्न सक्ने उद्देश्यले कुनै पनि जानकारीको साथ अगाडि आउन आग्रह गरेका छन्। यस घटनामा थप अनुसन्धान भईरहेको समाचार संस्था बीबीसीले उल्लेख गरेको छ।