एक घण्टाको अन्तरालमा तीन वटा मिसाइल प्रहार

उत्तर कोरियाले तीन वटा मिसाइल प्रहार गरेको छ । दक्षिण कोरियाको सेनाले बताए अनुसार बुधबार उत्तर कोरियाले पूर्वी तटको सागरमा तीन वटा व्यालिस्टिक मिसाइल प्रहार गरेको बताएको छ । 

क्वाड शिखर सम्मेलनमा सहभागी हुन टोकियो आएका अमेरिकी राष्ट्रपति जो बाइडेनले एसिया भ्रमण सकेर स्वदेश प्रस्थान गरेको  केही घन्टापछि उत्तरले तीन ओटा मिसाइल प्रहार गरेको हो । भ्रमणका क्रममा राष्ट्रपति बाइडेन दक्षिण कोरिया पनि पुगेका थिए । 

सन् २०२२ को सुरुदेखि नै उत्तर कोरियाले बारम्बार मिसाइल प्रहार गर्दै आएको र करिब दुई सातापछि गरेको यो १७औँ मिसाइल प्रहार हो । 

दक्षिण कोरियाको संयुक्त चिफ अफ स्टाफले उत्तर कोरियाको राजधानी प्योङयाङको सुनान क्षेत्रबाट करिब एक घण्टाको अन्तरालमा मिसाइल प्रक्षेपण गरिएको जनाएको छ । सीएनएन