११ वर्षपछि एसी मिलानले जित्यो लिग उपाधि

इटालियन सिरी ए फुटबलको उपाधि एसी मिलानले ११ वर्षपछि जितेको छ ।

आइतबार राति भएको यस सिजनको आफ्नो अन्तिम लिग खेलमा सासोउलोलाई ३-० ले हराउँदै मिलान २०११-१२ पछि पहिलो पटक च्याम्पियन बनेको हो । मिलानले समग्रमा १९औं पटक लिग उपाधि जितेको हो ।

दुई अंकले मिलानले छिमेकी इन्टर मिलानलाई  पछि पार्‍यो । ३-० ले नै इन्टरले साम्पडोरियालाई हराएपनि उपाधिको भने रक्षा गर्न सकेन ओलिभर जिरुडले दुई तथा फ्रान्क केसीले एक गोल गर्दै एसी मिलानलाई जीत हासिल गराए। 

जितपछि मिलानले ३८ खेलमा ८६ अंक जोड्दा इन्टरले ८४ अंक जोडेर दोस्रो स्थानमा लिग सकायो ।