धरान उपमहानगरपालिका स्वतन्त्र उम्मेदवार साम्पाङको अग्रता

धरान उपमहानगरपालिकाको मेयरमा स्वतन्त्र उम्मेदवार हर्क साम्पाङले अग्रता कायम गरेका छन। बुधबार स्थगित भएर आज बिहान सुरु भएको मतगणनामा कांग्रेसका उम्मेदवार किशोर राईलाई साम्पाङले २१० मतले पछि पारेका हुन् ।

लौरो चुनाव चिन्ह पाएका साम्पाङले  ८ हजार ६८९ मत पाएका छन् भने सुरुवाती अग्रता लिएका कांग्रेसका राईले ८ हजार ४७९ मत गरेर दोस्रो स्थानमा छन् यससंगै नेकपा एमालेकी उम्मेदवार मञ्जु भण्डारीले ६ हजार ९४६ मत ल्याएर तेस्रो स्थानमा छन् ।

धरानमा हालसम्म ८, ९, १०, ११, १२, १९ र २० नम्बर वडाको मतगणना भएको छ ।