सवारी दुर्घटनामा नौ जनाको मृत्यु

काठमाडौं, २ जेठ

दार्चुला, शैल्यशिखर नगरपालिका-६ स्थित ग्वानीमा गोकुलेश्वर बजारबाट

ग्वानीतर्फ जादै गरेको म.१ ज २७७ नम्बरको हाईस सडकबाट करिब ५ सय मिटर तल

भिरमा खसेर सोमबार बिहान दुर्घटना हुँदा ३ जनाको मृत्यु भएको छ । दुर्घटनामा चालक

शैल्यशिखर नगरपालिका-६ ग्वानी बस्ने २३ वर्षीय प्रकाश सिंह धामी, हाईसमा सवार सोही

ठाउँ बस्ने १९ वर्षीय हरिश धामी र २२ वर्षीय नबिन धामीको घटनास्थलमै मृत्यु भएको हो । 

रसुवा, उत्तरगया गाउँपालिका-५ नौबिसेस्थित भित्री सडकमा बा.९६ प २०९४

नम्बरको मोटरसाइकल सडकबाट करिब १० मिटर तल खसेर गएराति दुर्घटना हुँदा चालक

सोही गाउँपालिका-१ बस्ने ४० वर्षीय राम तामाङ र मोटरसाइकलमा सवार नुवाकोट बिदुर

नगरपालिका-१० बेत्रावती बस्ने ४३ वर्षीया पम्फा तामाङको घटनास्थलमै मृत्यु भएको छ ।

स्याङजा, पुतली बजार नगरपालिका-२ देवीस्थानस्थित सडकबाट ग.११ प ८०११

नम्बरको स्कुटर करिब १ सय मिटर तल खसेर आइतबार दिउँसो दुर्घटना हुँदा स्कुटर चालक

बिरुवा गाउँपालिका-४ खुदी बस्ने १८ वर्षीय रोहित वस्यालको मृत्यु भएको छ । दुर्घटनामा

गम्भीर घाइते भएका उनको जिल्ला अस्पताल स्याङ्जामा उपचारको क्रममा मृत्यु भएको

हो । साथै दुर्घटनामा घाइते भएका स्कुटरमा सवार १ जनालाई थप उपचारको लागि मेट्रो

सिटी अस्पताल पोखरा पठाइएको छ ।

डोटी, दिपायल सिलगढी नगरपालिका-४ सुनगडामा सु.प.प्र. ०१००८ प ६६०५

नम्बरको मोटरसाइकल अनियन्त्रित भई आइतबार साँझ दुर्घटना हुँदा मोटरसाइकलमा

सवार सोही ठाउँ बस्ने २४ वर्षीय नवराज कठायतको मृत्यु भएको छ । दुर्घटनामा गम्भीर

घाइते भएका उनको शैलेश्वरी अस्पताल दिपायलमा उपचारको क्रममा मृत्यु भएको हो ।

साथै दुर्घटनामा घाइते भएका मोटरसाइकल चालकको सोही अस्पतालमा उपचार भइरहेको

छ ।

सिरहा, कर्जन्हा नगरपालिका-२ स्थित सडकमा प्र.१-०२ ०४५ प ८८८७ नम्बरको

मोटरसाइकल अनियन्त्रित भई आइतबार राति दुर्घटना हुँदा चालक मोरङ रंगेली

नगरपालिका-९ बस्ने ३८ वर्षीय उमेश बिश्वकर्माको मृत्यु भएको छ । दुर्घटनामा गम्भीर

घाइते भएका उनको फुलकुमारी मेमोरियल अस्पताल कर्जन्हामा उपचारको क्रमममा मृत्यु

भएको हो । साथै दुर्घटनामा घाइते भएका मोटरसाइकलमा सवार १ जनाको सोही

अस्पतालमा उपचार भइरहेको छ ।

धनुषा, जनकनन्दनी गाउँपालिका-१ कमला खोलास्थित सडकमा प्र.२-०१-००१ त

०९९२ नम्बरको ट्याक्टरको ठक्करबाट सिरहा लहान नगरपालिका-१ पटेर्बा बस्ने ४५

वर्षीया गुर्मी देवी चमारको आइतबार राति मृत्यु भएको छ । प्र. २-०१-००१ त ०८३२

नम्बरको ट्याक्टरमा खर्बुजा लोड गरिरहेको अवस्थामा गुर्मी देवीलाई उक्त ट्याक्टरले ठक्कर

दिँदा गम्भीर घाइते भएकी उनको जिल्ला अस्पताल सिरहामा उपचारको क्रममा मृत्यु

भएको हो । दुवै ट्याक्टर र प्र.२-०१-००१ त ०९९२ नम्बरको ट्याक्टरका चालकलाई

प्रहरीले नियन्त्रणमा लिएको छ ।

दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।