धनुषामा एक युवक मृत अवस्थामा फेला

सोमवार बिहान धनुषामा एक युवकको शव झुण्डिएको अवस्थामा फेला परेको छ।सोहि मिथिला नगरपालिका वडा नम्बर ६ ढल्केवरमा स्थानीय अन्दाजी २५ वर्षीय विनोदकुमार यादव झुण्डिएको अवस्थामा मृत भेटिएका हुन्।

इलाका प्रहरी कार्यालय ढल्केवरका प्रहरी निरीक्षक रामसागर सिंहले बताए अनुसार ढल्केवर–जनकपुर सडकखण्ड अन्तर्गत ढल्केवरस्थित रहेको मिथिला हार्डवेयरको पछाडिको बगैँचामा रूखमा पासो लगाएर झुण्डिएको अवस्थामा ती युवकको शव फेला परेको बताएका छन्। 

प्रहरी निरीक्षक सिंहले दिएको जानकारी अनुसार घटनास्थलको प्रकृति हेर्दा युवकले आत्महत्या नै गरेको देखिन्छ भने प्रहरीको प्रारम्भिक अनुसन्धानबाट घटनामा प्रेम सम्बन्धको विषय बाहिर आएको र घटनाको थप अनुसन्धानका क्रममा दुईजनालाई सोधपुछका लागि नियन्त्रणमा लिएको बताएका छन्। 

जनकपुरधामस्थित प्रादेशिक अस्पतालमा युवकको शव पोस्टमार्टमका लागि र घटना विषयमा थप अनुसन्धान भइरहेको इप्रका ढल्केवरले जानकारी दियो।