म्यानचेस्टर सिटीद्वारा अग्युरोको सालिक स्थापना

प्रिमियर लिग क्लब म्यानचेस्टर सिटीले सर्जियो अग्युरोको सालिक स्थापना गरेको छ । यसअघि भिन्सेन्ट कोम्पनी र डेभिड सिल्भाको सालिक स्थापना गरिसकेको सिटीले पूर्व स्ट्राइर अग्युरोको सम्मानमा घरेलु मैदान इतिहादमा सालिक स्थापना गरेको हो ।

सिटीमा १० वर्ष बिताएर अग्युरो स्पेन आएका थिए । अग्युरोले सिटीका लागि ३ सय ९० खेलमा २ सय ६० गोल गरेका छन् । अग्युरोले यसै सिजन खेल जीवनबाट सन्यासको घोषणा गरेका थिए । हालै प्रिमियर लिग हल अफ फेममा समावेश भएका अगुएरोले क्लबमा आफ्नो पालामा पाँच प्रिमियर लिग उपाधि, एक एफए कप र रेकर्ड छ लिग कप सहित पन्ध्र प्रमुख ट्रफीहरू जितेका थिए ।

इतिहाद स्टेडियमको पूर्वपट्टि अवस्थित, अगुएरोको ठूलो आकारको मूर्ति, पुरस्कार विजेता मूर्तिकार एन्डी स्कटद्वारा सिर्जना गरिएको हो । मुर्ति हजारौं ग्याल्भेनाइज्ड स्टिलको वेल्डेड टुक्राहरू प्रयोग गरेर निर्माण गरिएको छ ।