मोरङमा मोटरसाइकल दुर्घटना हुँदा एक जनाको मृत्यु

मोरङ, सुन्दरहरैचा नगरपालिका-९ आदर्श चोकस्थित सडकमा को.३५ प ७१३८ र प्रदेश १-०२-०४४ प ६३४२ नम्बरका दुई मोटरसाइकल एकआपसमा ठक्कर खाई बुधबार साँझ दुर्घटना हुँदा प्रदेश १-०२-०४४ प ६३४२ नम्बरको मोटरसाइकल चालक सोही नगरपालिका-९ बस्ने ३५ वर्षीय नवराज राईको मृत्यु भएको छ । दुर्घटनामा गम्भीर घाइते भएका उनको गोल्डेन अस्पताल बिराटनगरमा उपचारको क्रममा मृत्यु भएको हो ।

दुर्घटनामा घाइते भएका को.३५ प ७१३८ नम्बरको मोटरसाइकल चालक सोही नगरपालिका-११ बस्ने २८ वर्षीय बिमल ईजम र सोही मोटरसाइकलमा सवार सोही नगरपालिका-९ बस्ने ३२ वर्षीय ईन्द्र कुमार लिम्बुको न्यूरो अस्पताल बिराटनगरमा उपचार भइरहेको छ ।