चर्चित संगीतकार शिवकुमार शर्माको मुम्बईमा निधन

भारतीय चर्चित संगीतकार तथा सन्तूर वादक पण्डित शिवकुमार शर्माको मुम्बईमा निधन भएको छ । थुप्रै रोगबाट पीडित उनको ८४ वर्षको उमेरमा निधन भएको हो ।

रिपोर्टका अनुसार विगत ६ महिनादेखि मिर्गौला सम्बन्धी समस्याबाट पीडित र डायलासिस गरिरहेका उनको मृत्यु हृदयघातका (कार्डियक अरेस्ट) कारण भएको हो । हरि प्रसाद चौरसियासँग उनको जोडी थियो र शिव–हरिको जोडीले थुप्रै फिल्ममा सङ्गीत दिएका थिए । शिव–हरिको जोडीले थुप्रै चर्चित फिल्ममा सङ्गीत दिएका थिए जसमा प्रमुख फिल्म थिए – सिलसिला, लम्हे र चांदनी ।