आज १४ जना मात्रै संक्रमित थपिए, मृत्यु शून्य

नेपालमा कोरोना संक्रमण दर घट्दै गएको छ। पछिल्लो २४ घण्टामा थप २१ जना कोरोना संक्रमणमुक्त भएका छन् भने १४ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयकाअनुसार २ हजार ७ सय १६ जनाको कोभिड परीक्षण गर्दा सो व्यक्तिहरुलाई संक्रमण पुष्टि भएको हो ।

त्यस्तै, सोहि अवधिमा कोरोनाका कारण आज मृत्यु हुनेको संख्या शुन्य रहेको छ । अहिले देशभर सक्रिय संक्रमितको संख्या २०५ रहेको मन्त्रालयले जनाएको छ ।

नेपालमा कोरोनाका कारण मृत्यु हुनेको संख्या ११ हजार ९ सय ५२ पुगेको छ ।

अहिले कोरोना संक्रमणबाट मुक्त्त हुने दर ९८.८% रहेको छ ।