बिहीवार सुन रु. १४००ले महँगियो

आज साताको पाँचौ कारोबार दिन बिहीवार नेपाली बजारमा सुनको भाउ बढेको छ। आज सुनको मूल्य तोलामा १४०० रुपैयाँ बढेको छ । सुनको मूल्य आज १४०० रुपैयाँले बढेर ९८ हजार ६०० रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।

बुधबार ९७ हजार २०० रुपैयाँमा कारोबार भइरहेको सुन आज तोलामा १४०० ले बढेर तोलाको ९८ हजार ६०० रुपैयाँमा कारोबार भइरहेको महासंघले जनाएको छ ।  बुधबारको तुलनामा बिहीवार तोलामा १४०० रुपैयाँको वृद्दि आएको हो ।

यस्तै, तेजाबी सुनको मूल्य प्रतितोलामा ९८ हजार १०० रुपैयाँमा कारोबार भइरहेको छ । बिहीवार सुनको मूल्य बढेसँगै चाँदीको मूल्यमा पनि वृद्दि आएको छ ।

बिहीवार चाँदीको भाउ तोलामा १५ रुपैयाँले बढेर १ हजार ३०५ रुपैयाँ कायम भएको छ । हिजो भाउ स्थिर रहँदै चाँदी १ हजार २९० रुपैयाँमा कारोबार भएको थियो ।