घरेलु मैदानमा बार्सिलोनाको हार

स्पेनिस ला लिगा फुटबलमा बार्सिलोनाले हार बेहोरेको छ । घरेलु मैदानमा आइतबार राति भएको खेलमा बार्सिलोना रायो भालेकानोसँग १-० गोल अन्तरको हार बेहोरेको हो ।

भालेकानोको जितको लागि अल्भारो गार्सियाले गोल गरेका थिए । उनले खेल सुरु भएको सातौं मिनेटमा गोल गरेका थिए ।

यो सिजन घरेलु मैदानमा बार्सिलोनाको तेस्रो हार हो । पहिलो पटक बार्सिलोनाले एकै सिजन घरेलु मैदानमा तीन हार व्यहोरेको हो । यस हारसँगै बार्सिलोनाले ३३ खेलबाट ६३ अंक जोडेको छ ।

६३ अंकसहित बार्सिलोना तेस्रो स्थानमा छ । साथै भालेकानो ४० अंक जोडेर ११ औं स्थानमा रहेको छ ।