आज सुनको भाउमा स्थिरता, सस्तियो चाँदी

आज शुक्रबार अर्थात् साताको अन्तिम कारोबार दिन सुनको भाउ स्थिर रहेको छ । नेपाल सुनचाँदी व्यवसायी महासंघका अनुसार आज सुनको भाउ स्थिर रहेको हो । 

महासंघका अनुसार शुक्रबार छापावाल सुनको मूल्य प्रतितोला १ लाख ९०० रुपैयाँ कायम छ । यस्तै, तेजाबी सुनको मूल्य प्रतितोलामा १ लाख ४०० रुपैयाँमा कारोबार भइरहेको छ । 

शुक्रबार सुनको मूल्यमा स्थिरता छाए तापनि चाँदीको मूल्य भने घटेको छ ।  शुक्रबार चाँदीको भाउ भने प्रतितोला २० रुपैयाँले घटेर १३६० रुपैयाँ कायम भएको छ । हिजो चाँदीको भाउ प्रतितोला १३८० रुपैयाँ कायम रहेको थियो ।