दक्षिण कोरियामा एकैदिन ९० हजार ८६७ सङ्क्रमित

पछिल्लो २४ घण्टामा दक्षिण कोरियामा ९० हजार ८६७ कोरोनाका नयाँ सङ्क्रमित देखिएको छ । त्यस्तै कोरोना सङ्क्रमणको कारण थप १४७ जनाको मृत्यु भएको छ ।

यसैसँगै कोरोनाका कुल सङ्क्रमितको सङ्ख्या १ करोड ६६ लाख ७४ हजार ४५ पुगेको स्वास्थ्य अधिकारीहरूले बिहीबार जानकारी दिएका छन् ।  कोरिया रोग नियन्त्रण र रोकथाम निकायका अनुसार अघिल्लो दिन कोरोना सङ्क्रमितको संख्या एक लाख ११ हजार ३१९ रहेको थियो ।

दक्षिण कोरियामा कोरोना विरुद्व खोपको दुई डोज प्राप्त गर्ने व्यक्तिहरूको संख्या चार करोड ४५ लाख ३० हजार ४२५ रहेको छ । उक्त संख्या कुल जनसंख्याको ८६.८ प्रतिशत भएको जनाइएको छ । सिन्ह्वा