सुनको मूल्य आज तोलामा १५०० रुपैयाँले घट्यो

सुनको मूल्य तोलामा आज १५०० रुपैयाँ घटेको छ । सुनको मूल्य आज १५०० रुपैयाँले घटेर १ लाख ६०० रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।

मंगलबार १ लाख २१०० रुपैयाँमा कारोबार भइरहेको सुन आज तोलामा १५०० ले घटेर तोलाको १ लाख ६०० रुपैयाँमा कारोबार भइरहेको महासंघले जनाएको छ । मंगलबारको तुलनामा बुधबार तोलामा १५०० सय रुपैयाँको ह्रास आएको हो ।

यस्तै, तेजाबी सुनको मूल्य प्रतितोलामा १ लाख १०० रुपैयाँमा कारोबार भइरहेको छ । बुधबार सुनको मूल्य घटेसँगै चाँदीको मूल्य पनि घटेको छ ।

बुधबार चाँदीको भाउ तोलामा ३५ रुपैयाँले घटेर १ हजार ३८५ रुपैयाँ कायम भएको छ । हिजो भाउ स्थिर रहँदै चाँदी १ हजार ४२० रुपैयाँमा किनबेच भएको थियो ।