युद्ध समर्थक मूर्ख हुन् : रुसी अर्बपति

युक्रेनमा आक्रमण गरेपछि रुसले आफ्नै जनताको विरोधको सामना गरिरहेको छ । ५४ वर्षीय रुसी व्यापारी ओलेग टिन्कोभले ९० प्रतिशत रुसी गृहयुद्धको विरुद्धमा रहेको बताएका छन् ।

पश्चिमबाट प्रतिबन्धको सामना गरिरहेका टिन्कोभले एक इन्स्टाग्राम पोस्टमा लेखे: "यस उन्मत्त युद्धबाट दुबै पक्षलाई फाइदा भएको मैले देखेको छैन। निर्दोष मानिसहरू र सैनिकहरू मारिएका छन्।’

"नब्बे प्रतिशत रूसीहरू युद्धको विरुद्धमा छन्," टिन्कोभले रुसी भाषाको पोस्टमा भने। अन्य १० प्रतिशत मूर्ख छन्। ‘

टिन्कोभ रूसमा सबैभन्दा प्रसिद्ध व्यापारीहरु मध्ये एक हुन्। उनले सन् २००६ मा टिङ्कफ बैंकको स्थापना गरेका थिए। युक्रेनमा रुसी आक्रमण हुनुअघि टिन्कोभको कुल सम्पत्ति ४.४ बिलियन डलर थियो।

गत महिना टिन्कोभको बैंक शेयर घटेपछी उनी अब अर्बपति नरहेको फोर्ब्सले जनाएको छ ।