सुनको मूल्य आज फेरि एक लाख रुपैयाँ नाघ्यो

सुनको मूल्य तोलामा आज फेरि एक लाख रुपैयाँ नाघेको छ। सुनको मूल्य तोलामा आज ८०० रुपैयाँको वृद्दि आएको छ। सुनको मूल्य आज ८०० रुपैयाँले बढेर १ लाख ३०० रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।

शुक्रबार ९९ हजार ५०० रुपैयाँमा कारोबार भइरहेको सुन आज तोलामा ८०० ले बढेर तोलाको १ लाख ३०० रुपैयाँमा कारोबार भइरहेको महासंघले जनाएको छ ।  शुक्रबारको तुलनामा आइतबार तोलामा ८०० सय रुपैयाँले वृद्दि आएको हो ।

यस्तै, तेजाबी सुनको मूल्य प्रतितोलामा ९९ हजार ८०० रुपैयाँमा कारोबार भइरहेको छ । आइतबार सुनको मूल्य बढेसंगै चाँदीको मूल्य पनि बढेको छ ।

आइतबार चाँदीको मूल्य तोलामा १० रुपैयाँले बढेर तोलाको १३ सय ६५ रुपैयाँ कायम भएको महासंघले जनाएको छ । हिजो चाँदीको कारोबार मूल्य तोलामा १३ सय ५५रुपैयाँ थियो ।