सुनको मूल्य आज तोलामा ५०० रुपैयाँको वृद्दि

सुनको मूल्य तोलामा आज ५०० रुपैयाँको वृद्दि आएको छ। सुनको मूल्य आज ५०० रुपैयाँले बढेर ९९ हजार ५०० रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।

बिहीबार ९९ हजार रुपैयाँमा कारोबार भइरहेको सुन आज तोलामा ५०० ले बढेर तोलाको ९९ हजार ५०० रुपैयाँमा कारोबार भइरहेको महासंघले जनाएको छ ।  बिहीबारको तुलनामा शुक्रबार तोलामा ५०० सय रुपैयाँले वृद्दि आएको हो ।

यस्तै, तेजाबी सुनको मूल्य प्रतितोलामा ९९ हजार रुपैयाँमा कारोबार भइरहेको छ ।  शुक्रबार सुनको मूल्य बढेसंगै चाँदीको मूल्य पनि बढेको छ ।

शुक्रबार चाँदीको मूल्य तोलामा २१ रुपैयाँले बढेर तोलाको १३ सय ५५ रुपैयाँ कायम भएको महासंघले जनाएको छ । हिजो चाँदीको कारोबार मूल्य तोलामा १३ सय ३४ रुपैयाँ थियो ।