सुनको मूल्य तोलामा आज ५०० रुपैयाँको वृद्दि

सुनको मूल्य तोलामा आज ५०० रुपैयाँको वृद्दि आएको छ। सुनको मूल्य आज ५०० रुपैयाँले बढेर ९९ हजार रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।

बुधबार ९८ हजार ५०० रुपैयाँमा कारोबार भइरहेको सुन आज तोलामा ५०० ले बढेर तोलाको ९९ हजार रुपैयाँमा कारोबार भइरहेको महासंघले जनाएको छ । बुधबारको तुलनामा बिहीबार तोलामा ५०० सय रुपैयाँले वृद्दि आएको हो ।

यस्तै, तेजाबी सुनको मूल्य प्रतितोलामा ९८ हजार ५०० रुपैयाँमा कारोबार भइरहेको छ ।  बिहिबार सुनको मूल्य बढे तापनि चाँदीको मूल्य भने घटेको छ ।

बिहीबार चाँदीको मूल्य तोलामा १ रुपैयाँले घटेर तोलाको १३ सय ३४ रुपैयाँ कायम भएको महासंघले जनाएको छ । हिजो चाँदीको कारोबार मूल्य तोलामा १३ सय ३५ रुपैयाँ थियो ।