शरणार्थी बोकेको डुंगा भूमध्य सागरमा डुब्दा कम्तीमा ९० जनाको मृत्यु

क्षमताभन्दा बढी यात्रु बोकी लिबिया छोडेको डुंगा भूमध्य सागरमा डुब्दा कम्तीमा ९० आप्रवासीहरुको मृत्यु भएको छ । लिबियाबाट शरणार्थी बोकेको उक्त डुंगा  केही दिनअघि मात्रै लिबिया छोडेको थियो ।

एक प्रमुख मानवीय समूहले उत्तर अफ्रिकाबाट युरोपमा राम्रो जीवन खोज्नका लागि प्रस्थान गरेका आप्रवासीहरू समावेश भएको पछिल्लो त्रासदीमा परेको बताएको छ । उक्त डुबानमा परेका मध्ये ४ जनाको जीवितै उद्धार भएको डक्टर्स विदाउट बोर्डर्सले जनाएको छ ।  एलेग्रिया १ नामक एक व्यावसायिक ट्यांकरले ती ४ जनाको उद्वार गरेको थियो। डुंगामा एक सय जनाले यात्रा गरेको उद्धार गरिएका व्यक्तिहरूले बताएका छन् ।

आप्रवासीहरू नियमित रूपमा उत्तर अफ्रिकी राष्ट्रबाट भूमध्यसागर पार गर्ने प्रयासमा युरोपेली किनारमा पुग्ने हताश प्रयासमा रहेका छन् । अफ्रिका र मध्यपूर्वमा युद्ध र गरिबीबाट भागेका आप्रवासीहरूका लागि यो देश प्रमुख ट्रान्जिट पोइन्टको रूपमा देखा परेको छ ।

इन्टरनेशनल अर्गनाइजेसन फर माइग्रेसनका अनुसार जनवरी १ देखि मार्च २८ सम्म मध्य भूमध्यसागरीय मार्गमा करिब ३०० आप्रवासीको मृत्यु भएको अनुमान गरिएको छ ।