परीक्षा दिन गएका शिक्षकहरु अलपत्रमा, विद्यालय बन्द

रामेछाप नगरपालिकामा विद्यालय एक साता बन्द भएपछि शिक्षक सेवा आयोगको परीक्षा दिन गएका शिक्षकहरु अलपत्रमा परेका छन्। मंगलबार सुरु भएको परीक्षा दिन पटनादेवीबाट ११ र चण्डेश्वरीबाट १२ शिक्षक गएका थिए। विद्यालय नै बन्द भएपछि शिक्षकहरुले परिक्षा दिन नपाउने अवस्था सिर्जना भएको छ।

विद्यालय बन्द भएपछि रामेछाप–७ भालुखोपको पटनादेवी मावि र वडा नम्बर १ गोठगाउँको चण्डेश्वरी माविमा यति बेला पठनपाठन ठप्प छ। त्यस्तै एसईई तयारीमा रहेका दुई विद्यालयका करिब १ सय ११ विद्यार्थीको पढाइ अन्योल भएको छ।  विद्यालय एक साता बन्द भएपछि अभिभावक छोराछोरीको पढाइ बिग्रने र एसईईमा राम्रो नतिजा नआउने हो कि भन्ने चिन्तामा परेका छन्।