१० छाप्रामा चितवन राष्ट्रिय निकुञ्जले आगो लगाइदियो

माडी नगरपालिका वडा नं. ९ कुसुमखोलाका सुकुमबासीका १० छाप्रामा चितवन राष्ट्रिय निकुञ्जले आगो लगाइदिएको छ ।

आइतवार दिउँसो निकुञ्जले छाप्रामा आगो लगाएको हो । निकुञ्ज क्षेत्र अतिक्रमण गरेर बसेको भन्दै १० निकुञ्जले आगलागी गरेको जनाएको छ ।

चितवन राष्ट्रिय निकुञ्जका सूचना अधिकारी गणेशप्रसाद तिवारीका अनुसार कुमुसखोलाका सुकुमबासीहरूलाई अन्यत्रै स्थानान्तरण गरिसकेपछि पनि केही व्यक्तिहरू आएर पुनः छाप्रा हाल्न थालेपछि हटाउने प्रयास गरिएको थियो । तर सुकुमबासीहरूले नटेरेपछि आगो लगाइएको उनले बताए ।