वाङ यीको राष्ट्रपति विद्यादेवी भण्डारीसँग शिष्टाचार भेट

नेपाल भ्रमणमा रहेका चिनियाँ विदेशमन्त्री वाङ यीले आइतवार बिहान राष्ट्रपति विद्यादेवी भण्डारीसँग शिष्टाचार भेट गरेका छन् ।

परराष्ट्रमन्त्री वाङ राष्ट्रपति भण्डारीलाई भेट्न शीतल निवास पुगेका थिए ।

वाङले स्वदेश फर्कनुअघि एमाले अध्यक्ष केपी शर्मा ओली र माओवादीका केन्द्रीय अध्यक्ष प्रचण्डसँग छुट्टाछुट्टै भेटवार्ता गर्नेछन् । वाङ यीले हिजो साँझ प्रधानमन्त्री तथा मन्त्रिपरिषद्को कार्यालयमा प्रधानमन्त्री शेरबहादुर देउवालाई पोखरा क्षेत्रीय अन्तर्राष्ट्रिय विमानस्थलको ‘प्रतीकात्मक साँचो’ हस्तान्तरण गरेका थिए ।