महजबी खातुन लोसपा पार्टीबाट निष्कासित

  • वर्ल्ड दैनिक
  • २ साल अघि
  • १८५ पटक पढिएको

महोत्तरीको एकडारा गाउँपालिकाकी उपाध्यक्ष महजबी खातुनलाई पार्टीबाट निष्कासन गरिएको छ । उनलाई लोकतान्त्रिक समाजवादी पार्टीले कारबाही गरेको हो । महोत्तरी जिल्ला कार्यसमितिले बिहीबार विज्ञप्ति जारी गर्दै उपाध्यक्ष खातुनलाई साधारण सदस्यसमेत नरहने गरी कारबाही गरेको जनाएको छ ।

पार्टीको निर्देशन विपरीतका क्रियाकलापमा खातुन सहभागी भएको भन्दै कारबाही गर्नुपरेको लोसपा महोत्तरीका अध्यक्ष रामबाबु शाहले जानकारी दिएका छन् । जिल्ला अनुशासन समितिको सिफारिसमा कार्यसमितिले उपाध्यक्ष खातुनलाई पार्टीबाट निष्कासन गरिएको अध्यक्ष शाहको भनाइ रहेको छ ।

जसपा फुटेर लोसपा बनेपछि उपाध्यक्ष खातुनले जसपा माथि लोसपा रोजेकी थिइन् । लोसपबता खातुनलाई निष्कासन गरिएसंगै उनी पुनः जसपामै फर्कने तयारी गरेको स्रोतले जनाएको छ ।

 

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित