नेपालगन्जमा हुने प्रधानमन्त्री कपमा एपीएफले सहभागिता नजनाउने

महिला भलिबलमा एक दशकभन्दा बढी समय आफ्नो वर्चस्व कायम राखेको विभागीय टोली एपीएफले तीन पटक नेपालगन्जमा भएको प्रधानमन्त्री कप अन्तर्राष्ट्रिय आमन्त्रण महिला भलिबलको उपाधि जितेको छ । तर यो पटक भने एपीएफले बिहीबारबाट सुरु हुने आठौं संस्करणमा सहभागिता नजनाउने भएको छ।

अधिकांश प्रमुख खेलाडी घाइते भएपछि च्याम्पियन टोलीले प्रतियोगितामा सहभागी नहुने निर्णय गरेको हो । एपीएफका प्रबन्धक विजय केसीका अनुसार सिनियर टोलीका ५ खेलाडी घाइते भएका छन् ।

प्रमुख खेलाडी सरस्वती चौधरी एसीएलको शल्यक्रियापछि फिजियोथेरापी गराइरहेका छन् ।अनुभवी कप्तान विनिता बुढाथोकी र युवा खेलाडी निरुता ठगुन्ना पनि पूर्ण रुपमा फिट  छैनन् । पूजा चौधरी आन्तरिक प्रशिक्षणमा रहेकाले टोलीमा छैनन् ।