१७ जना संक्रमित थपिए, मृत्यु शून्य

नेपालमा कोरोना संक्रमण दर घट्दै गएको छ । पछिल्लो २४ घण्टामा थप ४०९ जना कोरोना संक्रमणमुक्त भएका छन् भने १७ जना संक्रमित थपिएका छन् । स्वास्थ्य तथा जनसंख्या मन्त्रालयकाअनुसार ४ हजार ५ सय ४३ जनाको कोभिड परीक्षण गर्दा सो व्यक्तिहरुलाई संक्रमण पुष्टि भएको हो ।

त्यस्तै, सोहि अवधिमा कोरोनाका कारण आज मृत्यु हुनेको संख्या सुन्य रहेको छ। अहिले देशभर सक्रिय संक्रमितको संख्या ३ हजार ५ सय ९५ रहेको मन्त्रालयले जनाएको छ। नेपालमा कोरोनाका कारण मृत्यु हुनेको संख्या ११ हजार ९ सय ५० पुगेको छ ।

त्यस्तै आज ८ हजार ७ सय २९ जनाले कोरोना विरुद्दको खोप लगाएका छन् ।

अहिले कोरोना संक्रमणबाट मुक्त्त हुने दर ९८.४% रहेको छ ।