नेकपा माओवादी केन्द्रको केन्द्रीय कमिटी बैठक सुरु

सत्तासाझेदार दल नेकपा (माओवादी केन्द्र)को केन्द्रीय कमिटी बैठक सुरु भएको छ । बैठक वत्तिसपुतलिस्थित अनुपम फुडल्याण्डमा बसिरहेको केन्द्रीय कार्यालयका सचिव श्रीराम ढकालले जानकारी दिएक छन् ।

आजको बैठकमा पदाधिकारीहरूको टुंगो लगाउने विषयमा छलफल हुने भएको नेताहरूले बताउँदै आएका छन् । गएको पुस ११ देखि १३ गतेसम्म भएको पार्टीको आठौँ राष्ट्रिय महाधिवेशन अध्यक्ष बाहेकका पदाधिकारी चयन नै नगरी टुंगिएको थियो ।

माओवादी केन्द्रमा अध्यक्ष, वरिष्ठ उपाध्यक्ष, ६ उपाध्यक्ष, एक महासचिव, दुई उपमहासचिव, तीन सचिव र एक कोषाध्यक्ष रहने व्यवस्था चलिआएको छ । उक्त व्यवस्था टुंगो लगाउन आज छलफल हुने भएको छ।