१,९५७ जना संक्रमित थपिए, ११ जनाको मृत्यु

पछिल्लो २४ घण्टामा थप ५,१०३ जना कोरोना संक्रमणमुक्त भएका छन् भने १,९५७ जना संक्रमित थपिएका छन् । स्वास्थ्य तथा जनसंख्या मन्त्रालयका अनुसार १२ हजार ६ सय ९२ जनाको कोभिड परीक्षण गर्दा सो व्यक्तिहरुलाई संक्रमण पुष्टि भएको हो । 

त्यस्तै, सोहि अवधिमा कोरोनाका कारण ११ जनाको मृत्यु भएको छ। अहिले देशभर सक्रिय संक्रमितको संख्या ३६ हजार १ सय ८१ रहेको मन्त्रालयले जनाएको छ । 

मन्त्रालयकाअनुसार हाल संक्रमणमुक्त हुने दर ९५ % रहेको छ । नेपालमा कोरोनाका कारण मृत्यु हुनेको संख्या ११ हजार ८ सय ३८ पुगेको छ ।

त्यस्तै आज २ लाख ७३ हजार ३ सय ४९ जनाले कोरोना विरुद्दको खोप लगाएका छन् ।