३९३ जना संक्रमित थपिए, ३ को मृत्यु

पछिल्लो २४ घण्टामा थप २६३ जना कोरोना संक्रमणमुक्त भएका छन् भने ३९३ जना संक्रमित थपिएका छन् ।  स्वास्थ्य तथा जनसंख्या मन्त्रालयका अनुसार ९ हजार ३२९ जनाको परीक्षण गर्दा सो व्यक्तिहरुलाई संक्रमण पुष्टि भएको हो । 

त्यस्तै सोहि अवधिमा कोरोनाका कारण ३ जनाको मृत्यु भएको छ । अहिले देशभर सक्रिय संक्रमितको संख्या ५ हजार भन्दा माथि भएको मन्त्रालयले जनाएको छ । हाल ५ हजार ९४ जना सक्रिय संक्रमित छन् । 

मन्त्रालयकाअनुसार हाल संक्रमणमुक्त हुने दर ९८ % रहेको छ । नेपालमा कोरोनाका कारण मृत्यु हुनेको संख्या ११ हजार ६०१ पुगेको छ । त्यस्तै आज ३ लाख १६ हजार ७७४ जनाले कोरोना विरुद्दको खोप लगाएका छन् ।