आन्तरिक उडान पुन: संचालनमा

त्रिभुवन अन्तर्राष्ट्रिय विमानस्थल नागरिक उड्डयन कार्यालयले आज आन्तरिक उडान भइरहेको जनाएको छ । बिहीबार मौसममा क्रमिक सुधार भइरहेकाले काठमाण्डूबाट हुने आन्तरिक उडान नियमित भइरहेको कार्यालयले जनाएको हो । 

बुधबार प्रतिकूल मौसमका कारण काठमाण्डूबाट हुनुपर्ने १३० वटा दुईतर्फी उडान स्थगत भएको थियो । आन्तरिक उडान गर्दै आएका नाै वटा वायुसेवाले बुधबारका लागि २७२ वटा उडान गर्ने तालिका बुझाएका थिए । तर, प्रतिकूल मौसमका कारण वायुसेवाले बुधबार साँझ अबेरसम्म १४२ वटा मात्रै उडान गरे भने १३० वटा उडान रद्द गरेको थियो ।

विमानस्थलले सोलुखुम्बुको लुक्ला र पोखरामा उडान हुन नसकेको जनाका थिए । त्यस्तै एयरलाइन्स कम्पनीहरुले पनि प्रतिकूल मौसम र कम भिजिबिलिटीका कारण उडानहरु प्रभावित भएको सूचना जारी गरेका थिए । भिजिबिलिटी नपुग्दा मंगलबार पनि काठमाण्डू आउने र जाने धेरै उडान प्रभावित भएका थिए ।