पश्चिमी न्यून चापिय प्रणाली आज पनि कायम

पश्चिमी न्यून चापिय प्रणाली र भारतको विहार आसपासमा रहेको न्यून चापिय क्षेत्रको प्रभाव आज पनि देशका केही स्थानमा देखिएका छन् । यद्यपि, बुधबारको तुलनामा आज मौसममा धेरै सुधार आएको जल तथा मौसम पूर्वानुमान महाशाखाले जनाएको छ ।

महाशाखाका अनुसार देशभर बिहीबार आंशिकदेखि सामान्य बदली रहि केही स्थानमा वर्षा भइरहेको र उच्च पहाडी तथा हिमाली भूभागका थोरै स्थानमा हल्का हिमपात भइरहेको छ ।

आज देशभर आंशिकदेखि सामान्य बदली रही पहाडी भूभागको केही स्थानहरुमा हल्का वर्षा र उच्च पहाडी तथा हिमाली भूभागका केही स्थानमा हल्कादेखि मध्यम हिमपात हुने महाशाखाले जनाएको छ ।

यसैगरी, काठमाण्डू उपत्यकामा दिउँसोदेखि घाम लाग्ने महाशाखाले जनाएको छ । अहिले उपत्यकाको न्यूनतम तापक्रम ९ डिग्राी सेल्सियस रहेको छ ।