थप २६० जना संक्रमणमुक्त, २ को मृत्यु

पछिल्लो २४ घण्टामा थप २६० जना कोरोना संक्रमणमुक्त भएका छन् भने २६४ जना संक्रमित थपिएका छन् ।  स्वास्थ्य तथा जनसंख्या मन्त्रालयका अनुसार १२ हजार ५६६ जनाको परीक्षण गर्दा सो व्यक्तिहरुलाई संक्रमण पुष्टि भएको हो । 

त्यस्तै सोहि अवधिमा कोरोनाका कारण २ जनाको मृत्यु भएको । अहिले देशभर सक्रिय संक्रमितको संख्या ५ हजार भन्दा कम भएको मन्त्रालयले जनाएको छ । हाल ४ हजार ९१० जना सक्रिय संक्रमित छन् । 

मन्त्रालयकाअनुसार हाल संक्रमणमुक्त हुने दर ९८ % रहेको छ । नेपालमा कोरोनाका कारण मृत्यु हुनेको संख्या ११ हजार ५८८  पुगेको छ । त्यस्तै आज २ लाख ८३ हजार २६५ जनाले कोरोना विरुद्दको खोप लगाएका छन् ।