चीनमा बच्चा जन्माउने दम्पतीलाइ ३१ हजार अमेरिकी डलर ऋण दिईने

चीनको उत्तरपुर्वी प्रान्त जिलिनमा सरकारले बच्चा जन्माउने दम्पतीलाई प्रोत्साहन स्वरुप ३१ हजार (३७ लाख नेपाल रुपैयाँ बढी) अमेरिकी डलर बेबी लोन(बच्चा ऋण) उपलब्ध गराउने भएको छ । चीनको जनसंख्या ह्वात्तै घटेपछि त्यहाँकोसरकारले बिहीबार सो रणनीति अघि सार्ने जनाएको अन्तराष्ट्रिय संचार माध्यमहरुमा उल्लेख छन् । 

त्यहाँको जनसंख्या वृद्धि प्रवर्द्धन गर्ने नीतिहरूको आधिकारिक खाका अनुसार सो रणनीतिमा सन्तान जन्माउने दम्पतीलाई ३१ हजार ४ सय ऋण दिने र सन्तानको संख्याअनुसार ब्याजदरमा समेत हेरफेर गरिने बताइएको छ । 

समाचार अनुसार दुई वा तीन सन्तान भएका दम्पतीले पनि सानो व्यवसाय स्थापना गरेमा कर छुट पाउने छ । सरकारले कसरी सहयोग गर्ने भन्ने बारे कुनै विवरण सार्वजनिक गरेको छैन । तर, प्रस्तावमा ऋणको लागि छुट ब्याज दर समावेश भएको र दम्पतीको बच्चाको संख्या अनुसार फरक हुने ब्लूमबर्ग न्युजले उल्लेख गरेको छ ।

चीनमा जनसंख्या बृद्धि भएपछि सरकारले जनसंख्या घटाउन विभिन्न रणनीति बनाएको थियो तर जनसंख्या घटाउने रणनीतिपश्चात जनसंख्या ह्वात्तै घटेको छ । चीनको जन्मदर विगत केही वर्षहरू एकदमै सुस्त भएको प्रतिवेदनहरु सार्वजनिक भैरहेका छन् ।  तस्बिर : भीसीजी