थप ३३६ जना संक्रमणमुक्त, २ को मृत्यु

पछिल्लो २४ घण्टामा थप ३३६ जना कोरोना संक्रमणमुक्त भएका छन् भने २८० जना संक्रमित थपिएका छन् ।  स्वास्थ्य तथा जनसंख्या मन्त्रालयका अनुसार १२ हजार १७४ जनाको परीक्षण गर्दा सो व्यक्तिहरुलाई संक्रमण पुष्टि भएको हो । 

त्यस्तै सोहि अवधिमा कोरोनाका कारण २ जनाको मृत्यु भएको । अहिले देशभर सक्रिय संक्रमितको संख्या ७ हजार भन्दा कम भएको छ । हाल ६ हजार २३९ जना सक्रिय संक्रमित छन् । 

मन्त्रालयकाअनुसार हाल संक्रमणमुक्त हुने दर ९७.८ % रहेको छ । नेपालमा कोरोनाका कारण मृत्यु हुनेको संख्या ११ हजार ५४५ पुगेको छ । त्यस्तै आज २ लाख ८३ हजार १३२ जनाले कोरोना विरुद्दको खोप लगाएका छन् ।