थप ४७८ जना संक्रमणमुक्त, २ को मृत्यु

पछिल्लो २४ घण्टामा थप ४७८ जना कोरोना संक्रमणमुक्त भएका छन् भने २९५  जनामा संक्रमण पुष्टि भएको छ   । स्वास्थ्य तथा जनसंख्या मन्त्रालयका अनुसार ८ हजार २४३ जनाको परीक्षण गर्दा सो व्यक्तिहरुलाई संक्रमण पुष्टि भएको हो । 

मन्त्रालयका अनुसार हाल संक्रमणमुक्त हुने दर ९७.७ % रहेको छ । त्यस्तै सोहि अवधिमा कोरोनाका कारण २ जनाको मृत्यु भएको छ । नेपालमा कोरोनाका कारण मृत्यु हुनेको संख्या ११ हजार ४७१ पुगेको छ । त्यस्तै आज ३४ हजार ७१६ जनाले कोरोना विरुद्दको खोप लगाएका छन् । 

मन्त्रालयका अनुसार हाल देशभर सक्रिय संक्रमितको संख्या ७ हजार २७८ जना रहेका छन् ।