थप ३९७ जनामा संक्रमण पुष्टि, ३ जनाको मृत्यु

पछिल्लो २४ घण्टामा थप ३९७  जनामा कोरोना संक्रमण पुष्टि भएको छ  भने ३८९ जना संक्रमणमुक्तभएका छन् । स्वास्थ्य तथा जनसंख्या मन्त्रालयका अनुसार ११ हजार ६६ जनाको परीक्षण गर्दा सो व्यक्तिहरुलाई संक्रमण पुष्टि भएको हो । 

मन्त्रालयका अनुसार हाल संक्रमणमुक्त हुने दर ९७.७ % रहेको छ । त्यस्तै सोहि अवधिमा कोरोनाका कारण ३ जनाको मृत्यु भएको छ । नेपालमा कोरोनाका कारण मृत्यु हुनेको संख्या ११ हजार ४६९ पुगेको छ । त्यस्तै आज ९३ हजार ६९५ जनाले कोरोना विरुद्दको खोप लगाएका छन् । 

मन्त्रालयका अनुसार हाल देशभर सक्रिय संक्रमितको संख्या ७ हजार ४९८ जना रहेका छन् ।