थप ३९६ जना संक्रमणमुक्त, १ को मृत्यु

पछिल्लो २४ घण्टामा थप ३९६ जना कोरोना संक्रमणमुक्त भएका छन् भने १३९ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ३ हजार ९३२ जनाको परीक्षण गर्दा सो व्यक्तिहरुलाई संक्रमण पुष्टि भएको हो । 

मन्त्रालयका अनुसार हाल संक्रमणमुक्तहुने दर ९७.६ % रहेको छ । त्यस्तै सोहि अवधिमा कोरोनाका कारण १ जनाको मृत्यु भएको छ । नेपालमा कोरोनाका कारण मृत्यु हुनेको संख्या ११ हजार ४३८ पुगेको छ । त्यस्तै आज १ हजार ९८५ जनाले कोरोना विरुद्दको खोप लगाएका छन् । 

मन्त्रालयका अनुसार हाल देशभर सक्रिय संक्रमितको संख्या ८ हजार १४४ जना रहेका छन् ।