चीनद्वारा थप १६ लाख डोज कोरोना खोप सहयोग

  • वर्ल्ड दैनिक
  • २ साल अघि
  • ५१५ पटक पढिएको

चीनले नेपाललाई सहयोग स्वरुप थप १६ लाख डोज कोभिडविरुद्धको खोप उपलब्ध गराएको छ । चीनले सिनोफार्मले उत्पादन गरेको भेरोसेल सहयोग गरेको हो । बुधबार स्वास्थ्य तथा जनसंख्या मन्त्रालयमा एक कार्यक्रमका बीच चिनियाँ राजदूत होऊ यान्छीले स्वास्थ्य तथा जनसंख्यामन्त्री विरोध खतिवडालाई सो खोप हस्तान्तरण गरेकी हुन् । 

राजदूत यान्छीले चिनियाँ जनमुक्ति सेनाले नेपाली सेनालाई २ दिन पछि ३ लाख डोज कोभिडविरुद्धको खोप उपलब्ध गराउने जानकारी समेत दिएकी छिन् । राजदूत यान्छीले नेपाल सरकारको कोभिडविरुद्धको अभियानमा साथ दिन चीन सरकारले आवश्यक सहयोग गर्न पाएकोमा खुसी व्यक्त गरिन् । 

हालसम्म चीन ले हालसम्म नेपाललाई ३४ लाख सो खोप अनुदान स्वरुप उपलब्ध गराएको छ । त्यस्तै नेपालले चीनबाट कोभ्याक्स कस्ट सेयरिङअन्तर्गत ५९ लाख डोज खरिद गरेको छ । जसमध्ये १० लाख २० हजार डोज खोप आइसकेको छ । थप खोप ल्याउने प्रक्रिया चलिरहेको बताईएको छ । 

कार्यक्रममा बोल्दै स्वास्थ्य तथा जनसंख्या मन्त्री विरोध खतिवडाले चीनले चालू आर्थिक वर्षभित्र सबै नेपालीलाई खोप दिइसक्ने योजनालाई पूरा गराउन खोप उपलब्ध गराउँदै आएकोमा आभार पनि व्यक्त गरेका थिए । 

""

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित