थप ८१७ संक्रमणमुक्त, ८ को मृत्यु, ५१३ जनामा संक्रमण पुष्टि

पछिल्लो २४ घण्टामा थप ८१७ जना कोरोना संक्रमणमुक्त भएका छन् भने ५१३ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ६ हजार ९३१ जनाको परीक्षण गर्दा सो व्यक्तिहरुलाई संक्रमण पुष्टि भएको हो ।

मन्त्रालयका अनुसार हाल संक्रमणमुक्तहुने दर ९७.३ % रहेको छ । त्यस्तै सोहि अवधिमा कोरोनाका कारण ८ जनाको मृत्यु भएको छ । नेपालमा कोरोनाका कारण मृत्यु हुनेको संख्या ११ हजार ३४५ पुगेको छ । त्यस्तै आज ६३ हजार ७४ जनाले कोरोना विरुद्दको खोप लगाएका छन् । 

 मन्त्रालयका अनुसार हाल देशभर सक्रिय संक्रमितको संख्या १० हजार ५५९ जना रहेका छन् ।