थप ६६२ जना संक्रमणमुक्त, १३ को मृत्यु

पछिल्लो २४ घण्टामा थप ६६२ जना कोरोना संक्रमणमुक्त भएका छन् भने ७५८ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८ हजार ४२६ जनाको परीक्षण गर्दा सो व्यक्तिहरुलाई संक्रमण पुष्टि भएको हो ।

मन्त्रालयका अनुसार हाल संक्रमणमुक्तहुने दर ९७.१ % रहेको छ । त्यस्तै सोहि अवधिमा कोरोनाका कारण १३ जनाको मृत्यु भएको छ । नेपालमा कोरोनाका कारण मृत्यु हुनेको संख्या ११ हजार ३१८ पुगेको छ । आज ९ हजार ८०२ जनाले कोरोना विरुद्दको खोप लगाएका छन् । 

त्यस्तै मन्त्रालयका अनुसार हाल देशभर सक्रिय संक्रमितको संख्या ११ हजार ५७९ जना रहेका छन् ।