नौ सय १० जना संक्रमणमुक्त, १४ जनाको मृत्यु

पछिल्लो २४ घन्टामा देशभर ९ सय १० जना कोरोना भाइरस संक्रमणमुक्त भएका छन् भने थप ७ सय ९२ जनामा संक्रमण देखिएको छ । त्यस्तै सोहि अवधिमा नेपालमा थप १४ जनाको मृत्यु भएको छ । 

स्वास्थ्य तथा जनसंख्या मन्त्रालयका अनुसार नौ हजार ६ सय १९ जनाको परीक्षण गर्दा सो संख्यामा नयाँ संक्रमित थपिएका हुन् । ७ हजार ६० जनाको पिसिआर र २ हजार ५ सय ५९ जनाको एन्टिजेन विधिबाट परीक्षण गरिएको मन्त्रालयले जनाएको छ । तीमध्ये ६ सय ९१ जनामा पिसिआर र एक सय एकजनामा एन्टिजेन विधिबाट गरिएको परीक्षणमा संक्रमण पुष्टि भएको हो ।

हाल देशभर सक्रिय संक्रमितको संख्या १४ हजार ५ सय ५४ रहेको छ । त्यस्तै आज दिनभर नेपालमा ६९ हजार आठ सय २४ जनाले कोभिड– १९ को खोप लगाएकाे मन्त्रालयले उल्लेख गरेको छ।