कोरोना सङ्क्रमणमुक्त हुने दर ९६.१ प्रतिशत

पछिल्लो २४ घण्टामा एक हजार ३७१ जना कोरोनामुक्त भएको छ । स्वास्थ्य तथा जनसङ्ख्या मन्त्रालयले नेपालमा कोरोना सङ्क्रमणमुक्त हुने दर ९६.१ प्रतिशत रहेको जनाउदै उक्त तथ्यांक सार्वजनिक गरेको हो । 

साथै पछिल्लो २४ घण्टामा दुई लाख १६ हजार ७२५ जनाले कोरोनाविरुद्धको खोप लगाएका छन् । 

यसैगरी पछिल्लो २४ घण्टामा ६ जना सङ्क्रमितको मृत्यु भएको छ भने ७९० जना नयाँ सङ्क्रमित थपिएका छन् । आरटीपीसीआर परीक्षण गरिएकोमा ७९० जनामा सङ्क्रमणको पुष्टि भएको हो । हाल नेपालभर कोरोना सक्रिय संक्रमितको संख्या १९ हजार ७०० छ ।  जसमध्ये १८ हजार ३४० जना होम आइसोलेसनमा छन् ।  त्यस्तै १३६० जना संस्थागत आइसोलेसनमा छन् । 

कोरोना भाइरसका कारण हालसम्म मृत्यु हुनेको संख्या ११ हजार ८७ पुगेको छ ।