वडा कार्यालयमा पेट्रोल छर्केर आगजनी
- वर्ल्ड दैनिक
- ३ साल अघि
- १६६ पटक पढिएको

सुर्खेतको एक वडा कार्यालयमा पेट्रोल छर्केर आगजनी गरिएको छ । सुर्खेतको वीरेन्द्रनगर नगरपालिका वडा नं.–१ वडाध्यक्ष नभेटेको झोकमा बुधबार विहान एक युवकले पेट्रोल छर्केर कार्यालयमा आगजनी गरेका हुन् ।
प्रहरीले वडाध्यक्ष गंगाराम सुनारको कार्यकक्षमा आगजनी गरेको जनाएको छ । प्रहरीका अनुसार वडाध्यक्षको कार्यकक्षमा आगजनी गर्ने स्थानीय वास्ताम लामिछाने हुन् । उनको खोजिकार्य भैरहेका छन् । आगजनीबाट कार्यालयका कुर्सी, सोफा, दराज र त्यहाँ रहेका सबै कागजातहरु जलेर नष्ट भएको जनाएको छ ।
बुधाबार बिहाननै एक कार्यक्रममा सहभागी हुन आफू राजधानी आएको समयमा आगजनी भएको वडाध्यक्ष सुनारले बताएका छन् । वडाध्यक्ष सुनारले, बिहान वडा कार्यालयकै ल्याण्डलाइनबाट धम्कि सहितको फोन आएको र पछि कार्यालयमा आगजनी भएको खबर प्राप्त भएको जनाएको छ ।
प्रतिक्रिया दिनुहोस