दमक गोल्डकप फुटबलको खेल तालिका सार्वजनिक

दमक गोल्डकप फुटबलको खेल तालिका सार्वजनिक भएको छ । झापामा हुने उक्त्त खेल चैत ९ देखि १८ गतेसम्म चल्नेछ । आयोजक नगर खेलकुद विकास समितिका अनुसार गोल्डकपको उद्घाटन खेलमा आयोजक दमक-११ र बागमती युथ क्लब भिड्नेछन् । दमक नगरपालिका ३ दुम्सेमा आयोजना हुने गोल्डकपमा ‘ए’ डिभिजनका ५, विदेशी तीनसहित १० टिम सहभागी हुनेछन् । 

प्रतियोगितामा लिग विजेता मच्छिन्द्र, त्रिभुवन आर्मी, मनाङ मस्र्याङ्दी, नेपाल पुलिस, फ्रेन्ड्स क्लब, वाग्मती क्लब सर्लाही, आयोजक दमक–११, भारतीय मानेभञ्ज्याङ फुटबल क्लब, दुर्गापुर स्टिल कोलकात्ता र एमेनियर फुटबल क्लब क्यामरुनको सहभागिता रहेको छ । प्रतियोगिताको विजेताले १३ लाख ११ हजार तथा उपविजेताले ६ लाख ११ हजार नगदसहित ट्रफी र मेडल पाउनेछन् ।

प्रतियोगिताको सर्वोत्कृष्ट खेलाडीले एक थान मोटरसाइकल पाउने छन् ।