युरोपेली संसदका अध्यक्ष डेभिड ससोलीको मृत्यु

युरोपेली संसदका अध्यक्ष डेभिड ससोलीको मंगलबार इटालीको अस्पतालमा मृत्यु भएको छ । उनि डिसेम्बर २६ देखी अस्पताल भर्ना भएका थिए । ६५ वर्षीय ससोलीको बिहान १.१५ बजे  निधन भएको उनका प्रवक्ता रोबर्टो कुइलोले ट्विटरमा जानकारी दिए।

इटालियन समाजवादी र फ्लोरेन्सका पूर्व पत्रकार ससोलीलाई उनको प्रतिरक्षा प्रणालीसँग सम्बन्धित "गम्भीर जटिलता" को कारण गत महिना अस्पतालमा भर्ना गरिएको थियो।

उनी सन् २०१९ देखि ७०५ सिटको संसदको अध्यक्ष थिए। बिरामी भएकै  कारण उनले हालैको स्ट्रासबर्ग-आधारित संसदको अध्यक्षता गर्न पाएनन् ।  यसका साथै उनी सेप्टेम्बरमा युरोपेली आयोगको वार्षिक राज्य संघ कार्यक्रममा छुटेका थिए।