काँग्रेस उपसभापतिमा खड्का र गुरुङ निर्वाचित

नेपाली काँग्रेसको उपसभापतिमा पूर्णबहादुर खड्का र धनराज गुरुङ निर्वाचित भएका छन् । बुधबार भएको उपसभापतिको मतगणनामा अन्य प्रतिस्पर्धीलाई पराजित गर्दै खड्का २०७६ र गुरुङ १८६९ मत ल्याएर विजयी भएका हुन् । 

निर्वाचन समितिले उपसभापतिका उम्मेदवार विजयकुमार गच्छदार झिनो मत अन्तरले पराजित भएको जनाएको छ । समितिका अनुसार गच्छदार ९ मतले धनराजसँग पराजित भएका हुन् । उनले १८६१ मत प्राप्त गरेका छन् । 

त्यसैगरी चन्द्र भण्डारीले १५५१ , सुजाता कोइरालाले ६४४, महेश आचार्यले ५८९ र दिव्यश्वरी शाहले १३२ मत पाएका छन् ।

यसअघि नै पार्टी सभापतिमा शेरबहादुर देउवा निर्वाचित भइसकेका छन् । महामन्त्री र अन्य पदाधिकारीको मतगणना भने भर्खरी मात्र सुरु भएको छ ।