उपसभापतिको मतगणना सुरु

नेपाली काँग्रेसको १४ औं महाधिवेशन अन्तर्गत उप सभापतिको मतगणना सुरु भएको छ । महाधिवेशन अन्तर्गत सोमबार भएको मतदानको मतगणना पार्टी केन्द्रीय कार्यालय सानेपामा सुरु भएको हो ।

उप सभापतिको उम्मेदवारमा डा चन्द्र भण्डारी, दिव्यश्वरी शाह, धनराज गुरुङ, पूर्णबहादुर खड्का, महेश आचार्य, विजय कुमार गच्छादार, सुजाता कोइराला छन् । पार्टी विधान अनुसार दुई जना उपसभापति महाधिवेशनबाट निर्वाचित हुने व्यवस्था छ । 

मतगणना आज रातीसम्म हुने र परिणाम पनि आजै सार्वजनिक हुने निर्वाचन समितिले जनाएको जनाएको छ । सभापतिको मतपरिणाम सार्वजनिक भए पनि पदाधिकारी एवं केन्द्रीय सदस्यको मतगणना भने बाँकी छ । 

समितिका अनुसार बाँकी पदाधिकारीहरुको मतगनणना भने बिहिबार बिहान ८ देखि बजे सुरु हुनेछ ।