कोरोना भाइरसको उत्पत्ति पत्ता लगाउन डब्ल्यूएचओले गठन गरे नयाँ कार्यदल

  • वर्ल्ड दैनिक
  • २ साल अघि
  • ५९० पटक पढिएको

 

विश्व स्वास्थ्य सङ्गठन (डब्ल्यूएचओ) ले  काम कोरोना भाइरसको उत्पत्ति पत्ता लगाउनको लागि कार्यदल गठन गरेको छ । डब्लूएचओले नयाँ कार्यदल कोभिड-१९ को उत्पत्ति पत्ता लगाउने अन्तिम अवसर हुनसक्ने जनाउदै ‘साइन्टिफिक एड्भाइजरी ग्रुप अन ओरिजिन्स अफ नोबल प्याथोजिन्स’का लागि २६ जना विज्ञको कार्यदल गठन गरेको हो । 

चीनको वुहान शहरमा डेढ वर्षभन्दा बढी समयअघि पत्ता लागेको कोरोनाभाइरस पहिलो पटक कहाँ उत्पत्ति भयो भन्ने कुरा अझै पनि अस्पष्ट छ । डब्ल्यूएचओको टोलीले कोरोनाभाइरस वुहानमा जनावरबाट मानवमा सरेको अथवा दुर्घटनावश प्रयोगशालाबाट ‘लीक’ भयो भन्नेबारे अनुसन्धान गर्ने जनाएको छ ।

गत फेब्रुअरीमा डब्ल्यूएचओकै एउटा अनुसन्धान टोली चीन पुगेको थियो। चीनले प्रयोगशालाको कुरालाई कडा शब्दमा खण्डन गर्दै आएको छ ।सो टोलीले कोरोनाभाइरस सम्भवतः चमेरोबाट उत्पन्न भएको निचोड निकाले पनि थप काम गर्नुपर्ने खाँचो औँल्याएको थियो।

तर पछि डब्ल्यूएचओका महानिर्देशक ट्रेडोस एड्हानोम गेहब्रयससले तथ्याङ्कको अभाव र चीन पारदर्शी नहुँदा अनुसन्धान प्रभावित भएको बताएका बिबिसीले जनाएको छ । प्रस्तावित नयाँ अध्ययन टोलीमा यसअघि चीन गएको टोलीमा संलग्न छजना विज्ञ पनि समावेश रहेको बताइएको छ । डब्लूएचओका अधिकारीहरुले साइन्स जर्नलमा प्रकाशित गरेको एक लेखेमा ‘प्रयोगशाला दुर्घटना’को विषयलाई अस्वीकार गर्न नसकिने उल्लेख गरेको छ।

 

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित