लुम्बिनी प्रदेशको मुख्यमन्त्रीमा एमालेका गिरीको दाबी पेश

लुम्बिनी प्रदेशमा एमाले नेता लीला गिरीलाई मुख्यमन्त्रीमा प्रस्ताव गर्दै सरकार गठन गर्न सत्ता गठबन्धनले प्रदेश प्रमुख समक्ष दाबी पेश गरेको छ।

दलहरूलाई बुधबार ४ बजेभित्रै सरकार गठनका लागि दाबी पेश गर्न प्रदेश प्रमुख अमिक शेरचनले आह्वान गरेका थिए। गिरीलाई मुख्यमन्त्रीमा नेकपा (माओवादी केन्द्र), राप्रपा, नागरिक उन्मुक्ति, जसपा, लोसपा‚ जनमत पार्टी र तीन स्वतन्त्रसहित ५८ जनाको समर्थन छ।

एमाले संसदीय दलका नेतासमेत रहेका गिरीलाई बुधबार नै मुख्यमन्त्रीमा नियुक्त गर्ने तयारी रहेको छ।