माओवादीले समानुपातिक उम्मेदवारको सूची भोलिमात्र निर्वाचन आयोगमा बुझाउने

नेकपा माओवादीले समानुपातिक उम्मेदवारको सूची भोलिमात्र निर्वाचन आयोगमा बुझाउने भएको छ। माओवादी केन्द्रले सोमबार बिहान पदाधिकारी बैठक बसेर समानुपातिक सूचीलाई अन्तिम रुप दिने भएको हो।

आइतबार बिहान बसेको पदाधिकारी बैठकले प्रदेशबाट समानुपातिक उम्मेदवार संख्या धेरै आएपछि सोमबार बिहान ९ बजे पुनः बैठक बसेर समानुपातिक लिष्ट फाइनल गरेर निर्वाचन आयोग बुझाउने सचिव गणेश शाहले जानकारी दिए।

उपमहासचिव गिरिराजमणि पोखरेलका अनुसार आज बसेको पदाधिकारी बैठकले अन्तरिम विधायक बाहेक एक पटक समानुपातिक सांसद भइसकेकालाई दोहोर्याउने विषयमा छलफल भएको हो।